你地係真係用mac(i mean bought from apple store),
定係搵部PC用黎裝mac呢?

恕我直言, 我見呢度好似無一個人講d野係有d文路的

同埋你地用左mac幾耐?

我都想咁問, 成日有人話Mac點唔好, 原來根本未用過, 有d就算用過都係用破解版根本試唔到真正效能出黎..仲要嘈

同意, 你用左mac幾耐? 定係只係一個windows user

我有部 Macbook，不過就係 Tiger，因為部 Macbook 成日無啦啦死機，比過人整都唔得，所以唔多用，主要用 XP
我考完會考就可以買返 Macbook Pro

你部macbook第幾代呀, 點解會整完都唔得, 無買applecare?

咁你都恕我直言,
點樣才算有文路?

我返工做ADMIN日日對住MAC機,
公司咩型號都有,
但又唔見得我對MAC既認識有文有路。

或者你可以在AL8 MAC區發表一下你既文路,
拉高返我地既AVERAGE。

算啦,咪理佢啦,得個講字...係人都識,我都識架...但真係有料o既又有幾多個?

講呢番說話之前,show o的Quality出黎,如果有真材實料,自然有權話人無文路...

正所謂真金不怕紅爐火嘛!

但咁樣無啦啦彈一句出黎,咪只會比人覺得,呢條友講野,大言不慚,o係度大放臭屁而已!

既然係臭屁,佢第一日發呢個帖果時,我都懶得覆了!

如果樓主唔想呢度o的會員認為你係亂放臭屁的話,show o的真材實學出黎服眾吧!

放心,我大把時間睇樓主的精彩文章呀!

嗰陣嫌佢貴無買

其實可以臨到期前買都仲ok架喎, 仲有你拎過去邊度整 我部第一代既macbook用到而家都係好順暢

如果你睇得唔清楚, 我建議你重新睇多次我#1所講既野
我話"好似", 並非肯定呢度無人講野有文路
我發呢篇文章係因為見到呢求有d人講野好誤導, 識少少扮代表
http://www.alan888.com/Discuz/thread-142208-2-1.html

所以先至有感而發

如果你係日日對住mac既user, 你地用左mac幾耐? 可以做個朋友嗎

呵呵, 無意發表什麼"精彩文章", 我只不過是路過而已
正如上帖所講, 見到d野好搞笑, 所以就有感而發
http://www.alan888.com/Discuz/thread-140981-1-1.html

自從o個晚睇完呢個區既帖, 我只係覺得呢度所謂既mac user, 只不過係用緊hacintosh
不過見到你地既回覆, 都令我有點改觀.

i553041, 你係用緊Macintosh架呵

唔係...我都係路過,因為我唔係用MAC,呢區大部份文章我都係得個「睇」字...
我之所以搭訕,係覺得你呢句: 呢度「好似」無人講野有文路!

太自大...

你咁講得出黎,就一定要比人一個訊息,你講野係好有文路,而且對MAC非常有研究,重係高手中的高手,先可以去批評其他人o既文章有無「文路」o者!

論壇的定義係比人開懷聊天,例如呢個MAC區,就可以傾一o的關於MAC o既topic...

我認為我地...(或者係我)無權批評其他人講野有無文路囉,而講野有無文路各人亦有唔同o既定義同準則!

如果你唔同意某人o既文章,覺得係誤導,識少少扮代表,你應該講出點解唔同意,你o既意見又係點?等大家一齊討論...呢個先係正確的討論態度囉!

並唔係咁樣彈一句話:「呢度好似無人講野有文路」架嘛!

如果你覺得我第一個回覆語氣太重,我同你講聲唔好意思...

但若你認為我講得唔o岩o既,我亦歡迎你同我討論,點解我講得唔o岩!

[ 本帖最後由 i553041 於 2008-4-18 21:13 編輯 ]

基本上我同i553041看到你這帖之後對你發這帖的心態一樣。

我認為你發這帖是因為你對你覺得好似無文無路的人發帖的心態不了解,
我覺得就算唔係真正用緊一部MAC機行MAC OS,
在使用MAC OS時的體會跟用緊一部MAC機唔會有分別。

原因好簡單, MAC而家已經放棄了自家研制的CPU,
新出的MAC機全部都是行INTEL CHIP, 硬件跟PC機規格基本是一樣,
所以就算係PC機行MAC OS, 從當中得到的體驗,
MAC機用家一樣可以照樣應用在MAC機上。

準確D黎講, 無文無路的人,
是針對MAC OS作出研究和討論。
但如果你再睇深入一些,
"無文無路" (即PC用家) 會跟"MAC機用家"大家作出比較交流,
這何嘗不是一樣得著?

網上都有呢啲教學喎
http://www.google.com.hk/search? ... 5%8F%96&spell=1
唔見你續篇續篇笑下？

我係一個正宗Mac用家，我嘅意見一定要係好？
我真係睇唔過眼有啲人讚到蘋果天上有地下無，聖人都有錯啦，佢實有缺點傢喎。
講佢缺點就係要佢改下。但係紅衛兵就唔會理佢有咩缺點。係咪你呢啲"高手"先可以講啲意見呢？

所以我好睇唔過眼某個大壇Mac區，講佢缺點就畀人扣分+ban

[ 本帖最後由 pgame-zone 於 2008-4-19 09:11 編輯 ]

OK, 首先你講到"有無文路各人亦有唔同o既定義同準則", 其定義係"比人開懷聊天, 可以傾一o的關於MAC o既topic"
非常抱歉, 我只能部份認同! 我覺得無必要樣樣野都拎出黎講, without any searching.

其次, 成個主題你地入到黎就好似覺得我係專過黎搞事, 又或者齋批評呢度d人
我"恕我直言, 我見呢度好似無一個人講d野係有d文路的"呢句說話既字特別大隻嗎?
點解我問"你地係真係用mac(i mean bought from apple store), 定係搵部PC用黎裝mac呢?"會無人答既?
"你地用左mac幾耐?"又係無人答既?

而你話我應該係"對MAC非常有研究,重係高手中的高手", 我諗唔係自己話高手就係高手囉
不過如果只係睇版面中既帖, 我自信技術必比你地為高
無錯, 凡事唔可以靠表面, 咁我咪發呢條thread出黎睇下你地有左幾耐mac, 交流多d囉

或者再重申一次啦, 本人無意在此破壞討論氣氛和挑起任何罵戰.

既然你係轉貼, 不如group多d教學既information出黎比新手一次過睇下啦, 單單發個帖講screen capture, 真係好搞笑
不過純粹意見啦, 你有權唔接鈉既, 如果你接鈉我都唔介意講多d

拿.拿.拿......
"我真係睇唔過眼有啲人讚到蘋果天上有地下無，聖人都有錯啦，佢實有缺點傢喎。"
你千奇唔好咁講, 我成個post無講過呢樣野, 我亦都唔會讚mac讚到天上有地下無, 所以千奇唔好相題並論

另一方面啦, 你講到某個大壇Mac區, 請問你講緊既係d字頭定係u字頭定係其他呢, 不過以我所見, 我都未有聽聞過有呢d不愉快既事件喇
如果你有咁既經驗, 我好樂意同你分享, 甚至去埋o個度幫你反映下架

第一點: 我覺得你好有謬誤, 唔想同你講咁多



第二點: 我都覺得你有點謬誤, 不過同你解釋下啦,
powerpc呢隻CPU基本上唔係apple自家所研製既
呢隻CPU既設計係以IBM呢間公司為首, 根據朋友既資料,
當年因為IBM提供唔到PowerPC G5 3GHz CPU, 同埋一直解決唔到熱量既問題
出唔到Powerbook G5, 同埋其它問題, 最後係放棄左使用PPC

但係你話"就算係PC機行MAC OS, 從當中得到的體驗".........
根據本人詢問了本地一間Mac & iPod 服務及體驗中心的資深mac使用者johnny所講,
除左上述所講既原因令到apple轉用intel cpu之外, 仲有以下原因,
當中steve jobs曾經解釋過, 內容大概係話Apple 有好好的創意去做一部未來的 Mac
Intel 有一個好清晰 Roadmap, 特別係 mobile computing
相反 PowerPC 俾唔到呢類 CPU 佢去發揮
所以轉用intel. 根據johnny個人口述, "當年真係等左 PowerBook G5 好耐架"

另外, 而家都有好多電器用緊power pc
後來 powerpc 又再演變成 cell, 即係 PS3 粒 CPU
其實 wii, xbox 360, ps3 都係用 PowerPC
apple 反而唔係 powerpc 大客

他又作出另一個解釋,
"你去買加法拉利, 可能用唔知邊隻名廠歐洲引驚, 但法拉利忽然有一日話會轉用 toyota 引擎,
咁好多 toyota 車主咪會話「揸法拉利同渣 toyota 咪一樣！」"
意思說用一部電腦，同用粒 U 係沒有必然關係的



最後o個點......其實我唔係好明你想講乜