有時真係覺得, 如果只係差幾度, 咁都去追, 多鬼餘啦..... 曾幾何時, 粒 u七十幾八十度都係咁用
現在, D人見四十幾度就指住部機話 "嘩, 好熱呀"
大佬, 室溫都三十度, 四十幾度又有幾出奇呢
呢一兩年, 好多人為左一兩度叫苦連天,
大概係因為人云亦云的心態吧.
到底有冇需要連一兩度都追呢?
當然唔係講一班為了參加比賽而追求極限的玩家
言歸正傳, 如何搞好散熱, 唔理乜Config都係咁做架喇
1. 安裝散熱器時記得上實, 如果係採用上螺絲扣具, 就每次每口扣具螺絲上兩轉, 順序咁做, 唔好一口氣上死一粒先 (經驗足夠, 大可唔理呢項, 不過上唔實heatsink係造成晶片唔合理地上到八十幾度的主要原因... )
2. 勤清潔. 正如你見到屋企地下?面的塵埃成丈厚都唔安樂要掃走佢啦, 機箱入面亦是如此. 塵埃可以阻塞機箱及散熱器的出風位置, 有如在散熱器上蓋一塊布! 清除多餘塵埃有助確保機箱內空氣流通, 令熱力更易送走.
3. 電線永遠係散熱最大敵人! 例如亂放的IDE排線, 成道牆咁款擋住空氣流通, 比多多風扇都唔夠死啦... 近年有大量CASEMOD用品面世, 包括蛇皮網, 用蛇皮網可以將電線包住, 令佢地佔用空間少一D, 唔會鬆散 (尤其係20/24pin電源線.. ) 唔想用蛇皮網咁煩, 幾條cable tie亦可以做到同樣效果. 包好電線, 仲未夠, 要將電線盡量收到貼近機箱殼, 令空氣流動唔會受電線影響. 新型機箱底板後面會有位收電線, 大家將電線放哂去後面都得.
5. 風扇多唔一定好, 要運用得宜. 將風扇亂咁安裝, 只會形成亂流. 最簡單的抽風方法就係前入後出, 即係前置風扇吹鮮風入機箱, 後置風扇抽出, 令熱風以一條龍方成帶出機外. 無前置風扇, 就可以選擇全出或全入. 風扇設定可以話係最難一樣, 諗左幾次都係唔明, 不妨提出, 等大家幫你~
好喇, 小弟廢話連篇, 唔滿意就直接ignore左呢篇文章去算, 我只係希望幫到大家. 有錯請指正
